Кошаркарите на Вашингтон визардс направија нова магија и со четврта победа во петтиот дуел го елиминираа фаворизираниот тим на Чикаго во првата рунда од плејоф сериите во Источната конференција. Со 75-69 Визардс славеа ноќеска и со 4-1 го елиминираа четвртиот носител во конференцијата. Следен противник на Џон Вол и соиграчите ќе им биде шампионото Мајами, екипа што со 4-0 го декласира Шарлот.
Ново чудо се случи на мечевите меѓу Оклахома и Мемфис, каде во досегашните пет натпревари имаше дури 4 продолженија. такво нешто е раритет во кошарката и во НБА лигата, а се случи и ноќеска. Гостите од Мемфис победија со 100-99, откако во регуларниот дел мечот заврши нерешено 90-90.
Крилниот центар на Оклахома Серж Ибака погоди за 101-100, но по прегледувањето на снимката на спорниот момент од самиот финиш на продолжението, судиите го поништија кошот и победата им припадна на кошаркарите на Мемфис, кои водат со 3-2 и следниот меч ќе гхо играат на свој терен.
Во Лос Анџелес, Клиперс се врати во игра и покрај потресите со сопственикот Доналд Стерлинг. Со 113-103 домаќините го победија Голден стејт и поведоа со 3-2. Пред мечот имаше мирен протест пред „Стејплс“ центарот во Ел-еј против Стерлинг кој во приватна конверзација ги навреди припадниците на малцинствата во САД.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
