-Нашата главна цел е брзо производство на овие брендови во Македонија и нивна достава до светските пазари. Македонија како бизнис дестинација ја истражувавме две години, направивме споредби со другите земји и донесовме одлука, откако увидовме дека овде има квалификувана работна сила и пазар кој добро го познава текстилот – истакна Селџук.

Претставникот истакна дека одличните односи меѓу владите на Македонија и Турција, исто така е една од причините поради која донеле одлука да инвестираат во Македонија.

-Инвестицијата во голем дел ќе ја намали невработеноста во Македонија, но ќе се подобри и состојбата во фирмите со кои ќе соработуваме. За пет години очекуваме извоз од 600 до 800 милиони долари – рече тој.

Селџук им се заблагодари на претставниците од македонската влада, на Груевски за лидерството и поддршката, на Пешевски за искрениот пристап и на Ставрески за учеството во преговорите.

Вицепремиерот Владимир Пешевски истакна дека инвестицијата е од огромно значење бидејќи освен 5.000 најавени вработувања ќе иницира уште 2.000 индиректни вработувања.

-Од втората половина на година ќе започне градбата на повеќе фабрики, а до година се очекува и првиот извоз. Во првата фаза инвеститорот вложува 180 милиони долари, а целата инвестиција изнесува 400 милиони долари. Од Македонија ќе се извезува на пазарите во речиси сите развиени земји, меѓу кои САД и Франција – истакна Пешевски.

Вицепремиерот додаде дека освен што оваа инвестиција ќе има директен ефект врз текстилната индустрија во Македонија, ќе влијае и на зголемување на платите и вредноста на трудот на македонскиот работник ќе се зголемува

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.