Менаџерите на Фукушима признаа „срамен неуспех“: ситуацијата е надвор од контрола

Менаџерот на нуклеарната централа Фукушима призна дека управата нема контрола над постројките. Според директорот на ТЕПКО Акира Онно обидите за сопирање на истекувањето на радиоактивната вода биле неуспешни.

– Срамно е да признаам, но има места над кои немаме целосна контрола, признал Оно за време на обиколката на централата неделава, пренесува Ројтерс.

Јапонскиот премиер лани во обид да ја смири јавноста и да го убеди светот дека се е во ред изјави дека ситуацијата е под контрола во централата.

Сепак во последните неколку месеци процедурата за расчистување на централата се соочила со проблеми.

ТЕПКО постојано се соочува со истекување на контаминирана вода од реакторите. Потребно е да се испумпува вода во оштетените реактори во обид да се спречи прегревање, но овој процес создава многу големи количини контаминирана вода која мора да се складира во цистерни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.