Груевски ги најави активните преговори за изнаоѓање партнер на охридски „Емо“

Активно се преговара за наоѓање на стратешки партнер  за ЕМО и на повидок е решение. Ова го истакна вечерва лидерот на ВМРО-ДПМНЕ Никола Груевски на митингот во Охрид.

-Во сериозни разговори сме со крупна компанија од една средноевропска држава, за таа да стане стратешки партнер на охридски ЕМО. Не давам ветување, туку информирам дека ќе направиме се што е во наша моќ, да ги убедиме за тој чекот. Ако не успееме со нив, ќе преговараме напорно и ќе бараме решение. За ЕМО да стане тоа што бил некогаш, силен, моќен, со вработени, рече Груевски.

Тој вечерва од Охрид најави и низа други проекти кои македонскиот Ерусалим ќе го направат поубаво место за живеење.

Најави дека почнува градба на технолошко-индустриска развојна зона Струга-Охрид каде ќе се сместат нови инвеститори и нови работни места.  Две големи компании веќе најавија дека ќе инвестираат токму овде.

Како што Груевски веќе откри, реномирана германска компанија ќе инвестира во Охрид.  Тие на почетокот како бринфилд инвестиција ќе вработат 100 луѓе. Кога ТИРЗ ќе биде готова таму ќе градат и ќе се прошират за да вработат 1000 луѓе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.