Дербито на западната конференција се одигра во Оклахома каде што Тандер го победи Сан Антонио со 106-94 и така му ја прекина серијата на Спарс од 19 победи во низа.
Покрај тоа, Оклахома сега заостанува четири победи зад Сан Антонио, кој моментално ја чува првата позиција.
Дурент против Сан Антонио го одигра 39. натпревар во низа, на кој постигнал најмалку 25 поени и в петок против Хјустон ќе има можност да го израмни рекордот на Мајкл Џордан. Расел Вестбрук го заврши натпреварот со 27 поени.
Дирк Новицки постигна 26 поени и 11 скока во триумфот на Далас над ЛА Клиперс од 113-107. Хозе Калдерон постигна 19 поени.
Блејк Грифин на спротивната страна имаше 25 поени, 10 скока и 11 асистенции, а 22 поени постигна Дарен Колисон, додека Деандре Џордан дополни со 21 поен и 15 скока.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
