Во НБА-лигата синоќа беа одиграни дванаесет натпревари. Спарс на гостувањето во Денвер дојдоа до 16. победа во низа, Визардс ја изненадија Индијана, додека Минесота ги уништи очајниот Лејкерс.
Минесота на домашен терен со резултат 143-107 ја совлада екипата на Лос Анџелес Лејкерс. Колку Лејкерс се очајни зборува тоа што Тимбервулвс за едно полувреме им дадоа 74 поени. Кевин Лав натпреварот го заврши со 22 поени, 10 скока и исто и толку асистенции.
Кевин Дурент се наоѓа на три натпревари од рекордот на Мајкл Џордан, откако против Сакраменто за три четвртини постигна 29 поени. Оклахома го победи Сакраменто со 94:81 и го задржа второто место во Западната конференција.
Леброн Џејмс, пак, забележи 17 поени, 10 скока и 12 асистенции, во триумфот на Мајами на гостувањето против Детроит со 110:78. Крис Бош имаше 15 поени, а шест кошаркари на Мајами имаа двоцифрен ефект.
Резултати:
Орландо-Шарлот 110:105
Торонто-Босто 105:103
Вашингтон-Индијана 91:78
Бруклин-Кливелнд 108:97
Детроит-Мајами 78:110
Чикаго-Портланд 74:91
Минесота-ЛА Лејкерс 143:107
Њу Орлеанс-Јута 102:95
Оклахома-Сакраменто 94:81
Денвер-Сан Антонио 102:133
Феникс-Њујорк 112:88
Голден Стејт-Мемфис 100:93.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
