Кошаркарите на Бруклин нетс се единствени во НБА-лигата што по третпат сезонава беа подобри од шампионите од Мајами. Нетс и ноќеска славеа со 96-95 и имаат скор од 3-0 против Хит оваа сезона.
Мирза Телетовиќ како резерва беше најефикасен кај Бруклин со 17 поени, а оваа екипа доживеа победничка трансформација во 2014 година. Со биланс од 23-9 тие се најдобриот тим во источната конференција, ако се сметаат натпреварите во новата година.
Кај гостите, и покрај поразот, славенички мина Крис Бош, кој даде 24 поени и ја мина границата од 15 илјади поени. Сега има точно 15.003.
Резултати: Мајами – Бруклин 95-96, Орландо – Денвер 112-120, Филаделфија – Сакраменто 98-115, Торонто – Детроит 101-87, Вашингтон – Шарлот 85-98, Бостон – Њујорк 92-116, Мемфис – Њу Орлеанс 90-88, Далас – Јута 108-101, Сан Антонио – Портланд 103-90, Феникс – Кливленд 101-110, ЛА Клиперс – Голден стејт 111-98.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
