Премиерот Груевски пристигна на конгресот на ЕПП (ФОТО)

Премиерот Никола Груевски пристигна на 22- риот Конгрес на Европската народна партија што се одржува денес и утре во Република Ирска.

На конгресот учествуваат 12 шефови на влади на држави од Европската унија и раководството на ЕУ, кое доаѓа од Европската народна партија. Во овие два дена во Даблин ќе се избира претседател на ЕПП и нивен кандидат за претседател на престојните избори во ЕУ.

Во Даблин се присутни 2000 учесници и над 800 делегати. Во делегацијата која ја предводи Груевски се и Mартин Протоѓер, Никола Поповски и Влатко Ѓорчев, како делeгати кои имаат право на глас на овој Конгрес. Се очекува во доцните попладневни часови да се обрати премиерот Груевски.

Меѓу присутните на Конгресот во Даблин се и германската канцеларка, Ангела Меркел, шпанскиот премиер, Мариано Рахој, полскиот премиер Доналд Туск, премиерот на Унгарија, Виктор Орбан, како и актуелниот претседател на Европската комисија Жозе Мануел Баросо и претседателот на Европскиот совет, Херман ван Ромпуј.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.