Сандра Булок со „Гравитација“ ќе заработи 70 милиони долари

Американската актерка Сандра Булок ќе заработи повеќе од 70 милиони долари благодарејќи на улогата во филмот „Гравитација“.

Булок ја глуми астронаутката Рајан Стоун, која во трилерот ја прераскажува приказната за вселената. Булок е номинирана и за филмската награда „Оскар“. Актерката веќе доби 20 милиони долари, а ќе заработи и 15 проценти од продажбата на влезниците за кино. Освен тоа, ќе ѝ припдне и процент од продажбата на ДВД, блуреј, ВОД и ТВ-копии.

На листата на „Форбс“ на најплатени актерки во 2013 година Булок беше на 7. место, благодарејќи на улогите во филмовите „Жештина“ и „Гравитација“.

Филмот „Гравитација“ заработи повеќе од 700 милиони долари низ светот, а номиниран е за десет награди „Оскар“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.