Синоќа во НБА лигата се одиграа десет натпревари, а немилосрдните гости на домаќините им препуштија само една победа.
На легендарниот дуел Лејкерс беа подобри од Бостон во „Стејплс центарот“ со резултат 101-92. Тројца кошаркари од „езерџиите“ уфрлија по 16 поени, Микс, Гасол и Кејман. Во екипата на Бостон најефикасни беа Грин со 21 и Бас со 20 поени.
Во дербито на вечерта Феникс беше убедлив против Сан Антонио на домашен терен со 106-85. Најдобар во домашниот тим беше Морис со 21 поен, Фрај постигна 17, а Смит 15 поени. Кај Спарс кој повторно игра без Паркер, Грин уфрли 15, а Данкан 13 поени.
Орландо Меџик го победи Њујорк со 129-121 по две продолженија во најинтересниот меч на вечерта во НБА лигата, иако Кармело Ентони постигна 44 поени за Никси.
Атланта забележа нов пораз без нашиот Перо Антиќ во составот, Далас славеше во Филаделфија со 124-112, со 25 поени на Новицки, а Торонто го совлада Кливленд со 98-91.
Резултати:
Орландо – Њујорк 129-121 (две пр.), Филаделфија – Далас 112-124, Торонто – Кливленд 98-91, Шарлот – Њу Орлеанс 98-91, Детроит – Атланта 115-107, Мемфис – ЛА Клиперс 102-96, Чикаго – Денвер 117-89. ЛА Лејкерс – Бостон 101-92, Портланд – Јута 102-94, Феникс – Сан Антонио 108-85
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
