Задутре започнува да се применува Законот за стечајци

Владата на Р.Македонија неодамна го донесе законот за материјално обезбедување на невработените лица по основ на стечај, ликвидација и технолошки вишок.

Министерот за труд и социјала, Диме Спасов, денеска изјави дека од овој петок че започне да се применува Законот за стечајците.

-Сите оние кои што останале без работа во периодот од 2000 година до 31.12.2013 година, а имаат работен стаж повеќе од 25 години и работеле во претпријатија во доминантна сопственост на државата имаат право веќе од петок и во наредните 30 дена да поднесат барање до Агенцијата за вработување на Р.Македонија и да добијат материјално обезбедување во износ од 7.100 денари и плус здравствено осигурување, истакна министерот Спасов.

Со овој закон ќе им се помогне на 3000 невработени граѓани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.