ЛА Лејкерс, конечно, победи. Во меч кој ќе биде запаметен го победи Кливленд со 119-108. Играчот на Лакерс Роберт Сакре остана на теренот и по добиенот шести фаул. Гостите од Лос Анџелес го искористија малку познатото правило играчот кој има добиено шест фаули да не го напушти теренот. Во НБА не е дозволено тим да продолжи да игра со четири играчи на теренот. Тренерот на „езерџиите“ немаше замена за Сакре бидејќи во текот на натпреварот Фармер и Јанг се повредија, а Кејмен порано го заврши мечот со шест фаули. Сакре остана во игра и секој следен фаул ќе се санкционираше со техничка грешка на клупата на Лејкерс. Ова беше само петти триумф во последните 24 меча за гостите кои се наоѓаат на претпоследното место на табелата во западната конференција.
Мајами со ангажирна игра во последните минути од натпреварот успеа да победи на тешкото гостување во „Стејпл центар“ против тимот на ЛА Клиперс со 116-112. За Мајами ова е само втора победа на последните 12 натпревари одиграни против Клиперс. Леброн Џејмс повторно беше на чекор постигнувајќи 31 поен, 12 асистенции и осум скока. Кај поразените Блејк Грифин иако постигна 43 поени не успеа да ги доведе своите соиграчи до победа. Крис Пол сѐ уште е повреден и ова му беше 17 пропуштен меч во низа.
Резултати од синоќешните натпревари:
Филаделфија – Бостон 108-114, Вашингтон – Сан Антонио 118-125 (2 пр.), Кливленд – ЛА Лејкерс 108-119, Орландо Детроит 112-98, ЛА Клиперс – Мајами 112-116, Њујорк – Портланд 90-94, Сакраменто – Торонто 109-101, Денвер – Милвоки 110-100, Оклахома – Минесота 106-97, Њу Орлеанс – Атланта 105-100, Хјустон – Феникс 122-108, Мемфис – Далас 96-110.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
