Македонското ловиште „Јасен“ е атрактивна и позната дестинација за ловџиите од САД и од Русија, а последните години и за љубителите на ловот од Европа.
За да го одржат интересот за овој ловен предел во кој живее и рисот како заштитен автохтон и редок дивеч, во соработка со дипломатските претставништва и промотори низ светот, раководството на Јасен и Агенцијата за промоција на туризам вршат интензивен маркетинг приспособен на подрачјето каде што се презентираат.
– Во моментов државните ловишта на Република Македонија се лидери на Балаканот, а веќе три години зад нас се Грција, Бугарија, Србија, Црна Гора, Хрватска, – истакнуваат од ловиштетот „Јасен“.
Ловот во ова државно ловиште се спроведува исклучително врз основ на годишни договори со лиценцирани ловни тур-оператори од светот. Во договорите се дадени т.н. ловни пакети за определени видови дивеч и термини кога таквиот лов може да се реализира.
Директорот на ловиштетот Михаил Малахов на денешната прес-конференција ќе информира за досегашните активности на ова ЈП, како и за идните планови, кои се засноваат на програмата на Владата на Република Македонија за забрзан развој на ловниот туризам, преку која добиваат финансиски средства за интензивна продукција на автохтон дивеч.
Измените на Законот за ловство, особено во делот, учество на сите домашни и странски лица преку електронски систем на надавање за добивање на концесија на дивечот во ловиштата поднесени од Владата на Република Македонија, ја лансира Република Македонија меѓу државите низ светот со најуреден и единствен таков пример на можност и транспарентност во светот.
ЈП „Јасен“ од 2011 годена е членка на Интернационалниот совет за заштита на дивиот свет и на дивечот, која е најголемата интернационална организација за лов како држава членка под уставно име – Република Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
