Живата легенда на токшоуто, Џеј Лено, објави дека на 6 февруари ќе става крај на својата кариера како водител. Големиот Лено е на малите екрани од 1992 година и создаде модел и идеи за секој, којшто сака да ги забавува гледачите во вечерните часови. Еве ги најинтересните факти и бројки од биографијата на овој познат комичар. Џеј Лено е роден на 28 април 1950 година во Њу Рошел, држава Њујорк. Кога се родил, докторот рекол дека брадичката му тежи повеќе од целото тело. Мајка му Катерина била домаќинка, која емигрира од Шкотска во Америка кога имала 11 години, а татко му Анџело Лено е со италијанско потекло. Училиштето тешко го завршува бидејќи имал проблем со дислексија. Но, и покрај тоа бил интересен и постојано ги засмејувал своите соученици, кои му го дале надимакот Кловн. Лено е еден од најпродуктивните комичари во историјата, кој успеал да се појави 300 пати на сцена за една година. Неговата голема шанса доаѓа во 1992 година кога Џони Карсон решава да се откаже од неговото вечерно шоу на „Ен-Би-Си“. Во телевизијата долго се колебале меѓу Дејвид Летерман и Лено, но го избрале Џеј. Зараотува 32 милиони долари годишно. Се зборува дека користи козметика за својата брадичка, која чини 16.000 долари годишно. Омиленото негово хоби се автомобилите. Поседува околу 190 превозни средства, од кои 90 се мотори. Водителот има и веб-сајт „Гаражата на Џеј Лено“, во која има видеоклипови и секакви ситници за неговите автомобили. Некои од неговите мотори влегуваат во „Бетмен и Робин“”. Во 2009 година, Лено подарува 100.000 долари за стипендија во колеџ, во спомен на Лени Согофол, сопственик на џез-клуб во Бостон, кој му помогнал на почетокот на неговата кариера. Обожава да игра монопол со вистински пари.
Негови познати реплики се: „Политиката е шоубизнис за грозни луѓе“; „Ако Бог не го уништи Холивуд, тогаш тој им должи извинување на Содома и Гомора“; „Бритни Спирс му изјави на новинар дека доколку не била популарна, ќе била учителка. Фала му на Бога, што е популарна!“; „Денес Памела и Томи Ли објавија, дека ќе се смират по разводот. Знаете ли што значи тоа? Сѐ уште има надеж за Ајк и Тина Тарнер“.
Се надевам дека ќе имаш толку среќа, колку и јас, и да си ја сочуваш работата, додека не остареш. Ако ти требам, ќе бидам во мојата гаража, му порача Џеј на младиот Џими Фалон, кој ќе го замени во „Вечерното шоу“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
