Скопје вечер ќе го прогласи најуспешниот градоначалник за 2013 година

Најуспешиот градоначалник ќе биде познат вечерва на манифестацијата што ја организира веб-сајтот  „Скопје инфо“. Дванаесет градоначалници од скопските општини беа дел од анкетата на која гласаа граѓаните за најпосветениот и највреден градоначалник.

– Тројцата најуспешни градоначалници за кои гласаа граѓаните на Скопје ќе бидат познати уште вечерва. Бројот на гласови е навистина импозантен што дава дополнителна вредност на анкета, а и на самото признание најуспешен градоначалник -изјавуваат од „Скопје инфо“, организатор на изборот.

На анкетата гласаа повеќе од 25.000 граѓани, односно различни читатели го дадоа својот глас за најуспешниот градоначалник во Скопје, што ја прави една од најмасовните онлајн анкети некогаш организирани во Македонија.

„Скопје инфо“ гласањето на интернет за „Најуспешен градоначалник во Скопје“ го организира втора година по ред. Ветуваат дека и в година ќе им дадат можност на граѓаните да гласаат за градоначалникот што  работеше најнапорно и беше најпосветен на потребите на општината и  на граѓаните во изминатава година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.