Притвор за уште еден пратеник на Златна зора од Грција

Во Грција денеска беше приведен пратеник на екстремно десничарската Златна зора, под обвинение дека имал клучна улога во партијата за која грчките власти тврдат дека дејствува како криминална организација.

Притвор е одреден за пратеникот Ефстатиос Букурас, кој е осомничен и за изнуда.

Претходниот ден беа приведени и пратениците Јоргос Германис и Панајотис Илиопулос. Сите тројца се во полициски притвор и се очекува утре да бидат во затвор во Атина.

Сведок го обвини Герменис дека учествувал во регрутирање нови членови за Златна зора и ги обучувал за напади врз имигранти. Уште тројца членови на Златна зора меѓу кои и лидерот Никос Михалолоакос и неговиот заменик се во затвор од октомври лани. Златна зора имаше вкупно 18 од вкупно 300 пратеници во грчкиот парламент

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.