Времето во Македонија ќе биде облачно. Ќе има повремени врнежи кои во западниот и северозападниот дел од земјава ќе бидат претежно од снег, а во југоисточниот од дожд. Врнежите ќе бидат со слаб до умерен интензитет, а преку денот ќе дува слаб до умерен ветер од јужен и југоисточен правец.
Утринската температура ќе се движи од минус девет до минус два, а дневната од два до осум степени.
Во Скопје облачноста ќе се зголемува. Околу пладне и попладне ќе има врнежи од дожд кои ќе преминуваат во снег. Ќе дува слаб до умерен ветер од јужен правец. Утринската температура ќе се спушти до минус пет, а дневната ќе се искачи до пет степени.
Во наредните денови ќе преовладува променливо облачно време, а ќе има и повремени врнежи претежно од снег, а во југоисточниот дел од дожд. Во утринските и ноќните часови ќе има голомразица на местата каде што има снежна покривка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
