Денеска беше одиграно 14 коло од англиската Премиер лига. Екипата на Манчестер Јунајтед под водство на новиот тренер Дејвид Мојс оваа сезона игра промеливо и по 14 кола заостанува зад лидерот Арсенал дури 12 бода. Ова коло Манчестер на свој терен загуби од Евертон со 1-0. Единствениот гол за гостите го постигна Овиедо во 86 минута по асистенција на Лукаку. Во целиот натпревар Евертон успешно оддолеваше на акциите на „црвените ѓаволи“ кои имаа неколку стоотстотни шанси и трипати го погодија оквирот на голот.
Во останатите натпревари лидерот Арсенал рутински дојде до победата од 2-0 над тимот на Хул со головите на Бендтнер во втората минута и Озил во втората минута од вториот дел. Ова беше првиот гол на Бендтнер по пауза од две години. Арсенал кој е препороден во оваа сеозна се наоѓа на врвот на табелата со 34 бода, четири повеќе од Челси додека на третото и четвртото место се наоѓаат тимовите на Манчестер Сити и Ливерпул кои заостануваат шест односно седум бодови.
Покрај Арсенал и останатите три водечки тимови на табелата извојуваа победи.
Челси победи на гостувањето кај Сандерленд со 4-3. Поведе Сандерленд преку Алтидор, но тимот на Жозе Мурињо покажа карактер и дојде до целосен пресврт од 2-1 уште во првиот дел со головите на Лампард и Азар. Во вториот дел уште три гола. О‘Шеј го израмни резултатот, но Азар повторно го донесе својот тим во водтсво од 3-2. До крајот на натпреварот уште по еден гол во двете мрежи. Ист играч ги постигна двата гола, но едниот беше автогол за водство на Челси од 4-2 и при крајот на натпреварот повторно Бердсли ја затресе мрежата на гостите, но сепак Сандерленд немаа сили да извлечат бод.
Ливерупул го торпедираше Норвич со 5 гола. Четири гола за Ливерпул постигна одличниот напаѓач Луис Суарез, а еднаш успешно стрелаше Стерлинг. Едниствениот гол за Норвич беше дело на Џонсон.
Манчестер Сити остана во трката за титулата по денешната победа од 3-2 на гостински терен против Вест Бромвич Албион. Сити лесно дојде до водство од 3-0, но домаќините лесно не се предадоа и во финишот на натпреварот успеаа да дадат два гола кои сепак не беа доволни за да направат големо изненадување.
Останати резултати од 14 коло:
Саутемптон-Астон Вила 2-3, Стоук-Кардиф 0-0, Свонси-Њукасл 3-0, Фулам-Тотенхем 1-2, Кристал Палас-Вест Хем 1-0.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
