Сообраќајот на сите магистрални и регионални патни правци во земјата се одвива по влажни коловози, во западните и југозападните делови, на повисоките места со остатоци од кашест снег на коловозот.
Појава на магла има на планинските превои Страцин, Плетвар и Крушево со видливост од 50-100 метри, соопшти ЈП „Македонијапат“.
Поради ниските температури можни се подмрзнувања на осојничавите места. Во клисурите и усеците можна е појава на помали одрони, особено на патните правци: Кочани – Делчево, Виница – Берово, Маврово-Дебар-Струга, Демир Капија – Удово и Катланово-Велес.
Дежурните екипи на ЈП „Македонијапат“ се на терен и редовно ги оддржуваат проодни сите патни правци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
