Мадона ќе му купи нови заби на својот брат

Еден од двајцата браќа на Мадона повторно е во милост на познатата пејачка. Мартин Чиконе бил алкохоличар, но една година е трезен, со голема поддршка од неговата сестра.

Тој се актвирал и им помага на зависниците кои доаѓаат во рехабилитацискиот центар, а пејачката поради тоа решила да го награди со нови заби.

Братот на Мадона зад себе има проблематично минато. Три пати е апсен во алкохолизирана состојба, некое време поминал во затвор и неколку пати бил на одвикнување.

Моментално тој работи во рехабилитацискиот центар, каде што им помага на зависниците од дрога и алкохол. Тој откри дека Мадона финансиски му помага и дека како награда му ветила нови заби.

– Во добри односи сме. Се надевам дека повторно ќе застанам на нозе и ќе се вратам на старата работа, а тоа е позајмување на гласот за цртани и видеоигри – вели Мартин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.