Стајковци не е единствениот инцидент – вчера имало уште две тепачки

Вкупно три тепачки на автобуски постојки се регистрирани во полицискиот билтен за вчерашниот ден.

Освен тепачката што се случи во селото Синѓелиќ, кога 10-15 маскирани лица претепаа осум средношколци во автобус, во четвртокот околу 13 часот на улица „Трета македонска бригада“ околу 15 ученици без повод и причина нападнале седумнаесетгодишно момче на автобуската станица. Малолетникот бил пренесен во ГОБ „Св. Наум Охридски“.

Уште еден инцидент се случил овој четврток, и тоа на булеварот „Борис Трајковски“ во Кисела Вода, кога непознато лице без повод и причина нападнало две шеснаесетгодишни момчиња.

Полицијата презема мерки за откривање на сторителите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.