Грција исполнила 80 проценти од финансиските мерки

Грција исполни 80 проценти од бараните финансиски мерки за периодот 2009-2016 година и нови мерки за штедење не се потребни, изјави грчкиот министер за финансии Јанис Стурнарас за време на дебатите во Парламентот пред гласањето за недоверба на владата.

-Во финансиската област ние исполнивме 80 проценти од неопходните барања за 2009-2016 година и нереализираните 20 отсто од реформите не бараат никакви нови мерки за штедење, што ќе влијаат на населението- нагласи министерот.

Јанис Стурнарас го нарече „голем успех“ постигнатото намалување на буџетскиот дефицит, регистрираното салдо во платниот биланс и овогодинешниот примарен буџетски суфицит. Претставниците на „тројката“ меѓународни кредитори од ЕУ, ЕЦБ и ММФ од 5 ноември се во Атина, каде водат преговори со грчката Влада за бараните од нив реформи во замена на следната транша од спасувачкиот пакет, во вредност од една милијарда евра

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.