Најдобриот тенисер на сите времиња швајцарецот Роже Федерер во последното коло од групата Б на завршниот мастерс турнир што се игра во Лондон во О2 арената го победи директниот конкурент за пласман во полуфиналето аргетинецот Хуан Мартин Дел Потро со 2-1 (4-6, 7-6, 7-5) во сетови.
Федерер го загуби првиот сет, но усеа да направи целосен пресврт освојувајќи ги следните два. Во првиот сет Дел Потро успеа да дојде до висока предност од 5-1, но швајцарецот на момент успеа да се врати до 5-4, но сепак аргентинецот го освои сетот.
Во вториот сет повторно брејк за Дел Потро. кога се чинеше дека оваа победа ќе оди на контото на Дел Потро, Федерер докажа сеуште е рано за пензија. Успеа да се врати во сетот и во тајбрејкот изедначи во сетови на 1-1.
Третиот сет повторно започна со брејк на Дел Потро. Сепак Федерер успеа да го врати брејкот и кога се играше решавачкиот 12 гем со уште еден брејк на сервис на противникот успеа да слави и да се пласира во полуфиналето каде ќе игра со Рафаел Надал.
Во вториот меч од оваа група вечерва Новак Ѓоковиќ ќе ги одмери силите со французинот Ришар Гасќе. Овој меч нема никакво резултатско значење бидејќи Ноле веќе е пласиран во полуфиналето и ќе игра против Вавринка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
