Канческа-Милевска на 37-то заседание на генералната конференција на УНЕСКО

Министерката за култура Елизабета Канческа-Милевска, по повод одржувањето на 37-то заседание на Генералната конференција на УНЕСКО, од денеска престојува во работна посета на Париз. Канческа-Милевска, која е и претседател на Националната комисија на УНЕСКО, ќе има свое обраќање пред учесниците на Генералната конференција, која се одржува од петти до 20-ти ноември.

Во рамките на работната посета, предвидено е Канческа-Милевска да оствари работни средби со генералниот директор на оваа меѓународна организација, Ирина Бокова, и со министерката за култура на Република Франција, Орели Филипети.

На Генералната конференција на УНЕСКО, на која учествуваат високи претставници на повеќе од 200 држави, ќе бидат разгледувани повеќе значајни прашања, а се очекува да биде потврден и новиот мандат за Генерален директор на УНЕСКО на досегашниот прв човек на оваа организација, Ирина Бокова.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.