Прилепски „Комуналец“ не доцни со платите, се вели во реакцијата на јавното претпријатие „Комуналец“, по прес-конференцијата на СДСМ дека вработените во ова претпријатие добиваат само 1000 денари месечно плата.
„Зборувате за 1000 денари. И ова да ви го објасниме, Комуналец во првата рата ги исплати давачките кон државата и 1000 денари од плата, исплатена им е целосно и втората рата. За кое доцнење на плати зборувате не ни е јасно“ се вели во реакцијата.
Од таму велат дека годинава „Комуналец“ инвестирало во капитални средства и проекти, одговарајќи на обвинувањата дека претпријатието должи 30 милиони денари на различни добавувачи.
„Набавивме пет возила за смет за кои инвестиравме 7 милиони денари. Ја заборавате линијата за селекција на отпад или вас воопшто не ве интересира развој во отпадот за која одвојуваме 12 милиони денари. Вложивме во Капелата 5 милиони денари, додека во корпи за отпадоци 1 милион и 500 илјади денари. Или вкупно 25 милиони денари само во капитални и основни средства. Нормално е кога се инвестира дел од тие инвестиции да паднат и на терет на вработените . Еве да Ве демантираме дека Комуналец не доцни плата туку создава капитални инвестиции за граѓаните, за својата фирма и за вработените.Сметаме, дека Комуналец само со вакви вложувања и преку развој ќе биде корисен и за вработените, но пред се за граѓаните . Ако добро ги анализирате бројките ќе видите дека фирмата има развој , а не долг. Впрочем, ова беше објаснето и во трите квартални извештаи разгледувани пред Вас на Советот на општина Прилеп. Или, говорите за милионски суми за ДДВ, кое ДДВ е од Ваше време и кое Комуналец редовно си го сервисира со рата , за кој долг, оваа Влада имаше слух , па им дозволи на Јавните претпријатија долгот од времето на вашето домаќинско работење да си го исплатат на рати“ се вели во реакцијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
