Анчелоти: Озил е подобар фудбалер од Ди Марија

Месут Озил е подобар фудбалер од Анхел ди Марија, но на Реал Мадрид му е поважен балансот во играта, вели Карло Анчелоти, тренерот на „кралевите“ од шпанската престолнина.

– Немам дилема дека Ди Марија заостанува со фудбалските квалитети во однос на Озил, но одлучив тој да остане, а Месут да замине поради карактерот и начинот на кој ѝ помага на екипата. По доаѓањето на Бејл, одлучив дека е подобро во Реал да го имам Ди Марија, во однос на Озил – изјави Анчелоти.

Италијанскиот стратег ја пофали играта на Анхел против Јувентус, но медиумите и спортската јавност сѐ уште не се убедени дека повлече правилен потег со продажбата на најдобриот асистент на Реал во минатата сезона. Озил игра импресивно во Арсенал, а Ди Марија допрва треба да докажува дека Анчелоти правилно постапил што го задржал во Реал, а се откажа од германскиот репрезентативец.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.