Дали „русокосиот ангел“ е Американката Лиса

Дали малата Марија која беше пронајдена во Грција во ромско семејство кое ја принудувало да проси и да игри за пари е Американката Лиса? Американскиот пар Џереми Ирвин (31) и Дебора Бредли (30), се сомневаат дека Марија е всушност нивната Лиса, која во октомври 2011 година исчезнала од нивниот дом во Канзас Сити.

Американското семејство веќе контактирало со грчките власти. Тие посочиле фотографија од Лиса како бебе, како и слики на уметник кои покажуваат како би изгледала Лиса денес. Сличности има.

Според адвојатот на семејството надлежнте во Грција сѐ уште ја разгледуваат можноста Марја всушност да е Лиса. Единствена недоумица е фактот дека се претпоставува дека Марија има 5-6 години, а Лиса денеска би имала 4 години

Лиса не е единственото девојче за кое постои сомнеж дека е Марија. Досега се примени над 5 000 повици од земји ширум светот. Луѓето барале да се провери дали „русокосиот ангел“ е всушност нивната ќерка. Некои се јавиле само за поддршка и помош за малата Марија.

Соседите пак на брачната двојка која е во притвор за киднапирање на девојчето тврдат дека Марија била купена за 1.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.