НАТО по Авганистан ќе се фокусира на Европа

Во најамбициозниот проект на Алијансата по море во изминатите седум години маневрите „Брилијант маринер 13“ учествуваат 12 од 28 членки на НАТО. Наскоро НАТО ќе се повлече од Авганистан и фокусот ќе го помести кон Европа, каде се почесто се организираат воени маневри, особено во Средоземното Море.

Од 25 септември до 6 октомври во Тиренското Море – јужно од Сардинија, во опширна отцепена зона се симулираат кризни ситуации, класични морски судири, воздушни напади, терористички напади, спасувачка мисија. Во вежбите учествуваат 23 бродови и 5.000 воени морнари.

Маневрите од ваков тип ќе бидат приоритет во наредните години, посочува американскиот генерал Филип Бридлив, командант на сојузничките сили во Европа.

– Алијансата има 100.000 војници во Авганистан, Косово, Турција за заштита од евентуални сириски ракети и во Индискиот Океан за борба против пиратството- додаде Бридлив.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.