АЕК: СМС за половина цена, ќе „паѓаат“ и импулсите

Од ноември во сила ќе стапат новите големопродажни цени на СМС пораките во мобилната телефонија. Од АЕК сметаат дека со новите цени ќе извршат притисок врз оператори да ги намалат за минимум 50 %. Сегашните големопродажни цени на СМС се 2 денари за сите оператори. Новата цена АЕК ќе ја изготви до петок.

– Значи ако се заврши целата работа до крајот на октомври од 1 ноември ќе стартуваат и новите цени за СМС кои очекуваме да бидат и за 50 проценти пониски од сегашните. Горната рамка ни е 50  проценти намалување, а долната ќе видиме, изјави Роберт Ордановски, директор на АЕК.

Ваквото намалување на големопродажнте цени според Ордановски отвора простор да се намалат трошоците на мобилните оператори. Крајниот ефект треба да биде намалување на цените на СМС пораките што се наплаќаат од корисниците.

Од ноември стартува и единствената големопродажна цена од 1,2 денари за говор во мобилната телефонија. Таа се намалува за три пати што веројатно ќе ја засили конкуренцијата во мобилната телефонија. И во овој сегмент се очекува да се намалат цените за минута разговор. Мобилните оператори очекуваат дека пониските големопродажни цени да влијаат и врз намалување на цените за разговорите и пораките што ги плаќаат граѓаните, за колку не откриваат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.