Се продава бел дијамант од 118 карати за 35 милиони долари

Белиот дијамант со големина на мало јајце и со 118 карати на 7 октомври ќе се продава на аукција во Хонкконг. Почетната цена е меѓу 28 и 35 милиони долари, соопшти аукциската куќа „Сотби“. Во однос на големината, квалитетот и бојата, ова, велат од таму, е најдобриот бел дијамант што го продаваат.

Каменот е пронајден во 2011 година во Африка. Рекордната цена за бел дијамант е 26,7 милиони долари за 101 карат, продаден лани во Женева.

На истата аукција со белиот камен ќе се најде и еден син дијамант од 76 карати со почетна цена од 19 милиони долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.