Со новите десет асистенции Стив Неш ја надмина бројката од 10.000 додавања и најде место меѓу најдобрите пет асистенти во НБА. Но новата добра партија на Канаѓанецот кој додаде и 16 поени не му помогна на Лејкерс кој беше лош во одбраната и загуби кај Хјустон со 125-112. Рокитси кои сега имаат шест победи повеќе од Лејкерси ги предводеше Џејмс Харден со 31 кош.
Во централниот дел од САД пораз доживеа и Мајами и тоа кај Индијана со 87-77. Во дуелот со малку поени добар ефект на Пол Џорџ со 29 коша кај домашните и на Двејн Вејд со 30 поени кај гостите. Првакот се уште е лидер на истокот со ист брoј победи 23, но пораз помалку од Њујорк. Двете се инаку далуеку од водечките на западот: Клиперси(27-8), Оклахома(26-8) и Сан Антонио(27-10).
Во предходната ноќ во најсилната кошаркарска лига на светот се одиграа уште три средби: Бруклин победи во Филаделфија со 109-89, Милвоки со Феникс со 108-99 и Минесота против Атланта со 108-103.
Најдобри асистенти во НБА:
Џон Стоктон 15 806
Џејсон Кид 11 969
Марк Џонсон 10 334
Меџик Џонсон 10 441
Стив Неш 10 005
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
