Исламистички бунтовници во древниот град Тимбукту во Мали запалиле библиотека со стари ракописи и други јавни згради при приближувањето на француските и малиските војници кон градот при крајот на минатата недела, јави ДПА.
– Изгоре инстутот „Ахмед Баба“. Тоа е катастрофа за Тимбукту и за целото човештво- изјави градоначалникот на Тимбукту.
Според него во библиотеката се наоѓале илјадници ракописи.
Бунтовниците, исто така, ја запалиле општинската зграда и егзекутирале млади луѓе кои се радувале на пристигнувањето на француските и малиските сили, истакна градоначалникот.
Институтот „Ахмед Баба“, поседува една од неколкуте библиотеки и збирки во градот, во кои има документи, кои датираат од 13 век, а во него има над 20.000 научни ракописи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
