Времето денеска во Македонија ќе биде сончево со мала до умерена облачност. Ќе дува повремен умерен ветер од северен правец, кој долж Повардарието повремено ќе се засилува.
Утринската температура ќе се движи од 9 до 17 Целзиусови степени, а дневната од 26 до 33 степени.
Во Скопје времето ќе биде сончево и малку посвежо, со умерена облачност. Ќе дува умерен ветер од северен правец. Утринската температура ќе се спушти до 14 Целзиусови степени, а дневната ќе се искачи до 30 степени.
И во наредните денови ќе биде претежно сончево.
Утре ќе биде сончево и ветровито. Попладне услови за слаб локален дожд ќе има во крајните планински северозападни предели. Утринските температури ќе се движат од 11 до 19 степени, а дневните од 25 до 34 степени.
В сабота ќе биде претежно сончево и ветровито. Ќе дува умерен северен и северозападен ветер, а во западните предели ќе дува умерен североисточен ветер. Утринските температури ќе бидат од 10 до 18 Целзиусови степени, а дневните температури ќе се движат од 24 до 34 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
