Страната „Airlineratings“ го создаде првиот светски систем за рангирање на авиокомпаниите врз основа на безбедноста при летањето.
На листат се најдоа 137 авионски компании на кои им биле дадени 7 ѕвезди, односно најдобра оценка. Меѓу нив се најдоа „British Airways“, „Flybe“, „Virgin Atlantic“, „Lufthansa“ и „Aer Lingus“.
Оваа страна била создадена од страна на Џефри Томас, австралиски автор за воздухопловство кој заедно со цел тим на истражувачи работеле цели 2 години за да ги добијат овие резултати.
Тие процениле околу 425 авиокомпании од целиот свет, рангирајќи ги со користење на систем со ѕвезди. Авиокомапниите кои добивале по една ѕвезда се оние кои се најмалку безбедни. На повеќе од 40 авиокомпании им биле поделени 3 ѕвезди или помалку, а меѓу нив се најдоа и „Lion Air“, „Yeti Airlines“ и „Solomon Airlines“.
„Ја гледавме безбедноста и од холистичен и од објективен аспект, користејќи само интернационално признати ревизии од најпочитувани тела“, вели Томас. „Како некој што лета повеќе од 75 дена во годината можам да ви кажам дека е поважно да се знаат повеќе информации за авиокомпанијата со која ќе летате отколку што таа компанија служи за ручек. Во некои делови од светот луѓето повеќе се одлучуваат за патување со воз или автомобил само поради огромниот ризик од летањето. На пример, доколку летате од Лондон до Москва, дали мислите дека „Belavia Airlines“ се добар избор или не?“, додава тој.
„Голема е шансата да не сте слушнале за нив и да се одлучите за друга повеќе позната авиокомпанија, но токму „Belavia“ има совршени поени, односно 7 ѕвезди за безбедност“.
Страната е ажурирана почесто, со нови информации. Таа ги проценува авиокомпаниите и во однос на услугите, врз основа на ревизии од самите патници. Само 11 авиокомпании ги имаат сите поени кога станува збор и за безбедноста и за услугите: „Air New Zealand“, „Asiana Airlines“, „Cathay Pacific“, „Emirates“, „Etihad“, „EVA Air“, „Korean Air“, „Qantas“, „Royal Jordanian“, „Singapore Airlines“ и „Virgin Atlantic“.
Истражувањето објавено од „Jet Airliner Crash Data Evaluation Centre“ со седиште во Германија, тврди дека „Finnair“ е најбезбедната авиокомпанија во светот, а веднаш до него се и „Air New Zealand“, „Cathay Pacific“, „Emirates“ и „Etihad“ додека „BA“ се на 10-то место, „Virgin“ на 15 место, „easyJet“ на 17-то место и „Raynair“ на 32 место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
