Талентираниот германски фудбалски репрезентативец ова лето се пресели во баварскиот клуб, напуштајќи го најголемиот бундеслигашки ривал, Борусија Дортмунд.
„Ангажманот на Геце? Мора да верувате во себе и да не се плашите од конкуренцијата за местото во составот. Навистина се радувам што ќе играм со него. Тој е извонреден фудбалер“, изјави Робен за германските медиуми.
Холандскиот фудбалски интернационалец додава дека неговиот соиграч Франк Рибери, повеќе ја заслужува наградата на УЕФА за најдобар фудбалер во Европа, од ривалите од Реал Мадрид и од Барселона, Кристијано Роналдо и Лионел Меси.
„Целосно би разбрал доколку Рибери победи. Тој го заслужува тоа. Ова, исто така, би било признание за тимот. Роналдо и Меси се исклучителни фудбалери, меѓутоа Франк и Баерн ги освоија сите титули“, заклучи Холанѓанецот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
