Човекот кој утре ќе ја посети Македонија и ќе ја прими Повелбата за мир во име на фондацијата „Барак Х. Обама“ е всушност постариот полубрат на актуелниот американски претседател, Барак Обама.
На свадбата на Барак
Малик е син на таткото на Барак, односно Барак Сениор и е дел од многубројното семејство на Обама. Роден и пораснат во Најроби, Кенија, Малик завршува сметководство на тамошниот универзитет. Тој и Обама за прв пат се сретнуваат во 1985-тата, а набргу потоа Малик е кум на свадбата на неговиот полубрат. Барак исто така е кум на една од неговите свадби.
Заклучно со 2013-та, Малик има 12 сопруги, од кои едната го пријавила за домашно насилство. Тој ги отфрли обвинувањата, велејќи дека се „срање“.
Малик беше портпарол во Кенија за неговиот полубрат во времето на претседателските избори во САД. И самиот имаше претседателски амбиции, но изгуби на изборите во Кенија.
Во моментот живее во малечко село во Кенија, каде има продавница за електроника. Редовно ја посетува Белата Куќа и е во постојан контакт со Барак.
Тој беше пријател со либискиот диктатор Моамер Гадафи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
