Војската во Египет почна голема операција против вооружените екстремисти во Синај, која како што се очекува ќе трае најмалку 48 часа. Операцијата која се одвива под името Пустинска бура има за цел да ги блокира базите на екстремистите во пустините и планините и да ги сопрат терористичките активности во тој регион.
Во акцијата учествувале копнени сили, воздухопловството и морнарицата на Египет. Првата фаза се очекува да трае два дена, а пешадијата во тој период треба да ги блокира патиштата, мостовите и тунелите кои водат до Северен Синај.
Министерот за внатрешни работи на Египет, Мохамед Ибрахим денеска изјави дека влошената состојба во Синај веќе не е прифатлива и дека наскоро ќе се реши прашањето.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
