Димовски: Нема повлекување од условниот увоз од Србија

Нема да се укине одлуката за условен увоз на пченица и брашно од Србија се додека не заврши откупот на домашното лебно жито и додека пазарот со брашно не се избалансира, рече министерот за земјоделство, шумарство и водостопанство Љупчо Димовски пред членовите на матичната собраниска Комисија.

Заклучокот од ЦЕФТА од состанокот во Белград е решавањето на проблемот да се сведе на билатерално ниво, објасни ресормиот министер.

– Максимално се трудиме да ја искористиме можноста за откуп на домашната пченица. Имаме разбирање од мелничарите, но и од индивидуалните производители, истакна Димовски.

Изминативе месеци во Македонија се увезени 153.000 тони пченица и 70.000 тони брашно што значително го наруши домашниот пазар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.