Груевски: Не го коментирам Самарас, пак ние ќе бидеме виновни

gruevski Ќе направиме се што е во наша моќ да дојдеме до дијалог. Нашата борба е прво за дијалог па за решение, бидејќи за да се дојде до решение потребен е дијалог, а за дијалог гледате што се случува од другата страна, изјави денеска премиерот Никола Груевски одговарајќи на новинарски прашања.
Премиерот не сакаше да го коментира одговорот на писмото на грчкиот премиер Андонис Самарас, но истакна дека Македонија ќе направи се што е во нејзина моќ да се дојде до дијалог со Грција во разговорите за името.

– Мислам дека е подобро да не го коментирам од причина што, што и да кажам ние пак ќе бидеме виновни. Јавноста нека суди. Секој мој коментар може да биде повод за нови обвинувања и вадења од контекст. Гледам сега дека медиумите им се криви. Што и да кажам ќе биде протолкувано дека сме ние некакви националисти, немаме добри намери, немаме добра волја, така што би се воздржал од било каков коментар, изјави премиерот Никола Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.