Како беа бирани експертите „кои дебатираат“ за уставните измени

„Транспарентнoста е важна работа, џабе работиме ако граѓаните за тоа не знаат„ оваа изјава на премиерот е повторена неколку пати, но во пракса денешната јавна дискусија за уставните измени е само уште еден доказ дека важи но селективно – кога се во прашање истомисленици на власта. На денешната и на сите останати дебати сите учесници, кои се директно поканети од власта, се само експерти кои го поддржуваат преспанскиот договор и уставните измени. Ако процесот е транспарентен и е јавна дискусија зошто ги нема видните уставни познавачи кои го критикуваа договорот?
– Не би се сложил дека на дискусиите има само поддржувачи на власта, има имиња и на професори блиски до опозицијата, па дури и високи функционери, вели Бошњаковски.

Со овој одговор Бошњаковски сакаше да каже дека во дискусијата се учесници професори блиски до опозицијата, но прашањето е друго:
-Дали ги поканивте Ванковска, Апасиев, Силјановска? Директно?
–Ја користам оваа прилика отворена покана да испратам до сите граѓани кои сакаат да учествуваат да го направат тоа, додаде Бошњаковски.