Победа на “Жолтите елеци”, Макрон поразен, Франција нема да ги зголеми цените на горивото

Францускиот премиер Едуард Филип наскоро ќе најави укинување на зголемувањето на даноците на горивото, наведува “AFP”, повикувајќи се на изворите од владата.

Француската влада официјално го откажала состанокот со претставниците на “жолтите елеци” закажан за денес.

Суспензијата на одлуката за зголемување на данокот на горивото би требало да биде на сила неколку месеци и би требало да ја следат и други мерки со цел смирување на ситуацијата.

Шефот на владата би требало да ја соопшти одлуката од вчерашниот состанок во Елисејската палата со претседателот на Франција, Емануел Макрон, пред пратениците на Франција во движењето во Парламентот, рекле неименувани владини извори.

BREAKING: French government preparing to suspend fuel tax increases – government source pic.twitter.com/azXfS7wIik

— Reuters Top News (@Reuters) December 4, 2018

Претседателот на Франција, Емануел Макрон, неколку пати рекол дека нема да попушти пред барањата на демонстрантите, но вчера владата сигнализирала дека е подготвена да направи некои компромиси. Исто така, тој одржал итен состанок во службата за безбедност.

Најмалку три лица настрадале, а стотици биле повредени од 17-ти ноември, кога започнал протестот на “Жолтите елеци” во Франција.

Француските работници вработени во Итна помош се приклучиле на атинвладините протести, додека францускиот премиер Едуард Филип се состанал со политичките ривали во обид да го намали бесот на граѓаните.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.