За време на синоќешниот протест пред Собранието спречен е поголем инцидент дознава ТВ21 од свои извори во МВР.
Полицаец кој бил распореден пред законодавниот дом, ги тргнал полициските барикади и им рекол на демонстрантите, доколку имаат храброст да влезат внатре, а не да протестираат неколку метри од зградата.
За среќа, тврди телевизијата, неколку негови колеги го забележале тоа, навреме реагирале и спречиле поголем инцидент. Полицаецот со иницијали Д.С, веднаш бил приведен и заедно неговите колеги, кои биле сведоци на настанот имале информативен разговор во секторот за внатрешна контрола.
На полицаецот му се однеземи службениот пиштол и значката, а против него е покрената дисциплинска постапка и ќе биде суспендиран.
За целиот случај информирано било и Јавното обвинителство.
Извор: ТВ21
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
