Седумина се уапсени за вчерашната вооружена престрелка во Тетово

Од МВР информират дека припадниците на полицијата веднаш излегле на местото на настанот, каде е констатирано дека на инцидентот му претходела расправија во казиното мего лицето Х.М.(34) од една страна, Д.М.(34) од село Лаце и Б.Д. (43) од Тетово од друга страна. Потоа, тие излегле надвор на улица и пукале со огнено оружје.

Во полициската станица Тетово се уапсени и издржени учесниците на оваа престрелка Б.Д. и Д.М. како и 28 годишниот Р.Џ. од село Шипковица.

Инцидентот се случи вчера, по расправија во казиното „Аладин“ меѓу две групи што потоа излегле на булевар „Илирија“ и пукале меѓу себе со пиштоли и калашникови. Едно лице било рането, според сведоштвата на очевидците. Повеќе куршуми завршија во локалите, а од заскитани куршуми бил оштетен и еден автомобил паркиран во близина. За среќа, човечки жртви нема.

Според неофицијални информации, полицијата конфискувала и еден БМВ X5.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.