Претседателката на Металург удри по Војводина: Ми ги тепавте децата, тоа болеше да се гледа

Македонскиот ракометен вицешампион, тимот на Металург загуби со 31-30 на гостувањето во Нови Сад кај српскиот шампион Војводина во рамките на 9. коло во СЕХА лигата. Македонскиот вицепрвак и неговата претседателка Зорица Блажевска реагираат на грубата игра на домаќините, која што во повеќе наврати не била санкционирана од хрватските арбитри Циндриќ и Горужек.

– Можевте и со две топки да играте и голови да даваат судии, делегати и публика…веќе ништо не ми беше важно. Вие удривте по нешто свето, вие ми ги тепавте децата и тоа болеше да се гледа. Сме губеле и по 10 разлика, но во ракометен натпревар. Овде изгубивте вие! Но, има нешто по што не можете да удрите, светлата иднина на тимот! Уште посилен Металург!, напиша претседателката на Металург на својот Фејсбук профил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.