На автопат во Грција се превртел камион со македонски регистарски таблички

Поради силен ветер, камион со македонски регистарски таблички се превртел на автопатот Комотини – Ксанти во југоисточниот дел на Грција, а возачот поминал без никакви повреди, објавија локалните медиуми.

Сообраќајната несреќа се случила ноќта меѓу средата и четвртокот, а за да се врати камионот на автопатот, најпрво било повикано кран – возило од Комотини, но било мало, по што пристигнало поголемо од грчкиот град Кавала.

– Според очевидец, за малку ќе се превртеше и втор камион што го следеше првиот, а ветерот го крена на две тркала, пишува информативниот портал „Ин Комотини“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.