Почина таткото на Сунѓерот Боб

Стивен Хиленбург, креаторот на популарната анимирана серија „Сунѓер Боб“, почина на 57 години.

Американскиот аниматор, сценарист и режисер во март минатата година објави дека боледува од амиотрофна латерална склероза (АЛС), но и покрај тоа, продолжи да работи на серијата на телевизијата „Никелодеон“, од која досега се емитувани околу 250 епизоди.

„Неговите оригинални ликови и подводниот свет на Бикини Ботом долго ќе останат како пример за вредностите на оптимизам, пријателство и неограничена моќ на имагинацијата“, се вели во соопштението на „Никелодеон“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.