Толку беше од бугарските пасоши за Македонци?

Најавите на премиерот на Бугарија, Бојко Борисов дека ќе ја затвори Агенција за Бугарите во странство која дели пасоши внесе вознемиреност кај Македонците кои имаат или пак се надеваат дека ќе дојдат до патна исправа на источниот сосед.

Голем дел од нив веќе се распрашуваат што ќе биде со парите што ги имаат и со процедурата која е во тек. Според посредниците, сите процедури најверојано ќе бидат стопирани се додека бугарските власти не одлучат што понатаму.

Македонците за да дојдат до бугарски пасош најчесто плаќаа од 500 до 5.000 евра а постапката почнуваше со вадење на потвдра односно т.н Удостоверение со кое ќе докажат дека имаат бугарско потекло.

Тоа најчество се правеше преку документи на родители или пак баби и дедовци кои во минатото на било кој начин биле поврзани со Бугарија преку место на раѓање, школување или пак во некои од матичните книги им стои дека се Бугари.

Потоа документите се испраќаа во Агенцијата на Бугарите во странство која го имаше последниот збор дали кандидатот ќе добие бугарски пасош. Пред да го подигнат Македонците мораа во Агенцијата да поминат и тест за познаваање на бугарската историја и да потврдат дека се чуствуваат како Бугари.

Според неофицијални информации, досега околу 50.000 Македонците на ваков начин дошле до бугарски пасош а за неколку илјади процедурата е во тек.

Обвинителството на Бугарија минатиот месец започна истрага против службеници во Агенцијата во врска со наводите за корупција и злоупотреби при издавањето на бугарски државјанства на странци.

Доколку Агенцијата навистина се укине, до пасоши ќе се доаѓа преку неколку институции, но под многу построги услови и процедура.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.