Меј: Ако Парламентот го отфрли договорот за Брегзит, Британија ја очекува неизвесност

Никој не знае што ќе се случи доколку Парламентот во Лондон го отфрли постигнатиот договор за Брегзит меѓу Велика Британија и ЕУ, изјави денеска британската премиерка Тереза Меј.

– Долниот дом (на Парламнетот) треба да направи избор – може да го поддржи договорот или да го отфрли и да се вратиме на почетната позиција, изјави Меј во обраќање пред британските пратенци.

Таа нагласи дека ако Парламентот го отфрли договорот, никој не може да знае што ќе се случи.

– Тоа ќе ги отиври вратите за уште поголеми поделби и несигурност, со сите ризици што таа ги носи, порача Меј.

Британската премиерка се обидува да обезбеди поддршка за договорот за Брегзит, кој е изложен на критики како од редовите на нејзината владејачка Конзервативна партија, така и од страна на опозициските партии.

Засега е неизвесно дали Меј ќе обезбеди мнозинство во Парлементот за усвојување на договорот, кој вчера беше поддржан од останатите земји членки на ЕУ на вонредниот Самит на Унијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.