Варан по тешкиот пораз на Реал: Сега мораме да бидеме обединети

Тимот на Реал Мадрид врза четири победи во низа и во позитивна атмосфера го дочека денешниот меч со Еибар, но наместо да ја продолжи таа серија „кралевите“ доживеаја тежок пораз во Баскија од 3-0.

Клубот од шпанската престолнина беше целосно надигран од домаќините кои се бореа посветено за секоја топка на теренот и сосема заслужено дојдоа до победата. Ова го признаваат и во таборот на Реал кој преку дефазивецот Рафаел Варан испрати јасна порака:

– Еибар одигра директен натпревар, ги освои вторите топки и беше тешко за нас. Не можевме да го играме нашиот фудбал, не ни беше удобно. Ова е колективен проблем, сега мораме да бидеме обединети и да дадеме се од себе во следниот натпревар. Треба да се подобриме, истакна централниот дефанзивец.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.