Мајкл Даглас стравува дека и неговите деца ќе имаат проблеми со зависности

Холивудската ѕвезда Мајкл Даглас стравува дека неговите деца со глумицата Кетрин Зета Џонс, можат да имаат проблеми со зависности поради генетска предодреност.

Имено, 74-годишниот актер во минатото бил на рехабилитација за зависност од алкохол и дрога, а во 2012 година призна дека бил зависен и од секс. Неговиот полубрат Ерик во 2004. почина од предозирање со дрога, па сега тој стравува и за неговиот син Дилан (17) и ќерка му Карис (15), да не тргнат по истиот пат.

Дознавајќи повеќе за генетиката, сфаќаш дека треба да бидеш повнимателен околу тоа… 3ависноста ја има „од двете страни“ во моето семејство, па морам да обрнам поголемо внимание на помладите. Водам отворен разговор за тоа, изјавил глумецот за „Дејли Експрес“.

Неговиот постар син Камерон, од претходниот брак, мина 7,5 години в затвор поради криминални дејства поврзани со дрогата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.